அளவறிந்து வாழ்பவரிடம் இருக்காது திருடும் எண்ணம்.

                   
 அறத்துப்பால்,       துறவறவியல்  அதிகாரம்: கள்ளாமை,

                                                        குறள் 286-290

அளவின்கண் நின்றொழுகல் ஆற்றார் களவின்கண்

கன்றிய காத லவர்.     குறள் # 286

அளவோடு வாழும் வழியில் வாழாதவர் திருடுவதில்

பேராசை உடையவர் ஆவார்.       பாமரன் பொருள்

களவென்னும் காரறி வாண்மை அளவென்னும்

ஆற்றல் புரிந்தார்கண் இல்      குறள் # 287

திருட்டுஎன்னும் கெட்ட எண்ணம் அளவறிந்து  வாழும்

ஆற்றல் உள்ளவரிடம் இருக்காது        பாமரன் பொருள்

அளவறிந்தார் நெஞ்சத் தறம்போல நிற்கும்

களவறிந்தார் நெஞ்சில் கரவு.    குறள் # 288

அளவறிந்து வாழ்பவரின் நெஞ்சில் நிற்கும் அறம் போல நிற்கும்

கொள்ளையடிப்போர் உள்ளத்தில் களவு.    பாமரன் பொருள்

அளவல்ல செய்தாங்கே வீவர் களவல்ல

மற்றைய தேற்றா தவர்       குறள் # 289

அளவற்ற செயல் செய்து அப்போதே கெட்டழிவர் களவில்லா

மற்றசெயல்களை தெளிந்து அறியார்.        பாமரன் பொருள்

கள்வார்க்குத் தள்ளும் உயிர்நிலை கள்ளார்க்குத்

தள்ளாது புத்தே ளுலகு.   குறள் # 290

களவுசெய்வார்க்கு உயிர்வாழ்வதும் தவறும் நல்லவருக்கு

தேவருலகமும் தவறவே தவறாது,             பாமரன் பொருள்