தெளிவில்லாதான் உண்மைப்பொருள் காண்பதரிது

                         அறத்துப்பால்,  துறவறவியல் குறள் 246-250

                                                          அருளுடைமை

பொருள்நீங்கிப் பொச்சாந்தார் என்பர் அருள்நீங்கி

அல்லவை செய்தொழுகு வார்.      குறள் # 246

பொருள்இழந்து கடமைமறந்தவர் என்பர் அருள்இல்லாது

தீமைகளை செய்து வாழ்பவரை.      பாமரன் பொருள்

அருளில்லார்க்கு அவ்வுலகம் இல்லை பொருளில்லார்க்கு

இவ்வுலகம் இல்லாகி யாங்கு.     குறள் # 247.

கருணையற்றவருக்கு மேலுலகவாழ்வு இல்லை பொருளில்லாதவர்க்கு

இப்பூவுலக இன்பம் இல்லாததுபோல.    பாமரன் பொருள்

பொருளற்றார் பூப்பர் ஒருகால் அருளற்றார்

அற்றார்மற் றாதல் அரிது.     குறள்.# 248.

பொருள் இழந்தார் ஒருவேளை வளம்பெறலாம் கருணைஇழந்தார்

இழந்தவர்தான் மீண்டும் பெறமுடியாது.   பாமரன் பொருள்

தெருளாதான் மெய்ப்பொருள் கண்டற்றால் தேரின்

அருளாதான் செய்யும் அறம்.   குறள் # 249.

தெளிவில்லாதான் உண்மைப்பொருள் காண்பதரிது. ஆய்ந்தால்

அருளில்லாதான் செய்யும் அறசெயலும்.  பாமரன் பொருள்

வலியார்முன் தன்னை நினைக்கதான் தன்னின்

மெலியார்மேல் செல்லு மிடத்து     குறள்  # 250

பலசாலிமுன் தாம்நிற்கும் நிலையைநினைக்கவும், தன்னைவிட

எளியவரை துன்புறுத்த நினைக்கும்போது.      பாமரன் பொருள்