பிறர்பொருளைக் கவர்ந்தால் குடும்பம் கெட்டுவிடும்

நடுவின்றி நன்பொருள் வெஃகின் குடிபொன்றிக்
குற்றமும் ஆங்கே தரும்.   குறள் 171

நடுநிலை இன்றி பிறர்பொருளைக் கவர்ந்தால் குடும்பம் கெட்டு

குற்றமும் அங்கே வரும்.                  பாமரன் பொருள்

படுபயன் வெஃகிப் பழிப்படுவ செய்யார்
நடுவன்மை நாணு பவர்.  குறள் 172

கிட்டும் பயன்கருதிக் கவர்ந்து பழிச் செயல் செய்யார்

நடுநிலை வேண்டு பவர்.                பாமரன் பொருள்

சிற்றின்பம் வெஃகி அறனல்ல செய்யாரே
மற்றின்பம் வேண்டு பவர். குறள் 173

சிற்றின்பத்தை விரும்பி அறமில்லாததைச் செய்யமாட்டார்

அறவழி வரும் நிலையான இன்பம் வேண்டுபவர்  பாமரன் பொருள்

இலமென்று வெஃகுதல் செய்யார் புலம்வென்ற
புன்மையில் காட்சி யவர். குறள் 174

இல்லையே யென்று கவர்ந்திடமாட்டார் ஐம்புலன் வென்ற

குற்றமில்லாக் காட்சியை உடையவர்.           பாமரன் பொருள்

அஃகி அகன்ற அறிவென்னாம் யார்மாட்டும்
வெஃகி வெறிய செயின்.  குறள் 175

நுண்ணிய, விரிந்த அறிவால் என்ன பயன், யாரிடமும்

கவரும் தீச்செயல் செய்தால்.                   பாமரன் பொருள்