கொல்வதால் வரும் உயர்வு இழிவானதே.

குறள் பால்: அறத்துப்பால். குறள்இயல்: துறவறவியல். 

அதிகாரம்: கொல்லாமை.

குறள் 326 முதல் 330 வரை

கொல்லாமை மேற்கொண் டொழுகுவான் வாழ்நாள்மேல்

செல்லாது உயிருண்ணுங் கூற்று.     குறள் # 326

கொல்லாமையை நெறியாகக் கொண்டவரின் வாழ்நாளில்

உயிரைப் பறிக்க எமன்கூட செல்லமாட்டான்.       பாமரன் பொருள்

தன்னுயிர் நீப்பினும் செய்யற்க தான்பிறிது

இன்னுயிர் நீக்கும் வினை.          குறள் # 327

தன்னுயிரே போவதாக இருந்தாலும் செய்யாதீர் தான்இன்னொரு

உயிரை போக்கும் செயல்.        பாமரன் பொருள்

நன்றாகும் ஆக்கம் பெரிதெனினும் சான்றோர்க்குக்

கொன்றாகும் ஆக்கங் கடை.       குறள் # 328

கொலையால்உண்டாகும் மேன்மை பெரிதாக இருந்தாலும் சான்றோர்க்கு

கொல்வதால் வரும் உயர்வு இழிவானதே.      பாமரன் பொருள்

கொலைவினைய ராகிய மாக்கள் புலைவினையர்

புன்மை தெரிவா ரகத்து..       குறள் # 329

கொலையைத் தொழிலாகக் கொண்ட மக்கள் இழிவான தொழில் செய்பவராய்த் தெரிவர் இழிவை ஆராய்ந்தவர்களுக்கு.          பாமரன் பொருள்

உயிர் உடம்பின் நீக்கியார் என்ப செயிர் உடம்பின்

செல்லாத்தீ வாழ்க்கை யவர்.   குறள் # 330

 (முன்பு) கொலைசெய்து உயிரைப் போக்கியவர் என்பர் நோய்மிகுந்த உடம்புடன் வறுமையான தீயவாழ்க்கை வாழ்பவரை.        பாமரன் பொருள்