வாழ்வின் நிலையற்ற தன்மையை உணராதவரே மிகப் பல எண்ணங்கள்.நினைப்பர்

குறள் பால்: அறத்துப்பால். 

குறள் இயல்: துறவறவியல். அதிகாரம்: நிலையாமை.

குறள் எண்கள் 336 முதல் 340 வரை

நெருநல் உளனொருவன் இன்றில்லை என்னும்

பெருமை உடைத்துஇவ் வுலகு.     குறள் # 336

நேற்று உயிரோடு இருந்தவர் இன்று இல்லாது இறந்தார் எனும்

பெருமையை உடையது இவ்வுலகம்.     பாமரன் பொருள்

ஒருபொழுதும் வாழ்வது அறியார் கருதுப

கோடியும் அல்ல பல.     குறள் # 337

ஒருவேளையும் வாழ்வின் நிலையற்ற தன்மையை உணராதவரே நினைப்பர்

ஒருகோடியல்ல மிகப் பல எண்ணங்கள்.      பாமரன் பொருள்

குடம்பை தனித்துஒழியப் புள்பறந் தற்றே

உடம்பொடு உயிரிடை நட்பு.     குறள் # 338

முட்டைஓடு தனித்து கிடக்க குஞ்சு பறந்துபோனது போன்றதே

உடலுக்கும் உயிருக்கும் உள்ள உறவு.         பாமரன் பொருள்

உறங்கு வதுபோலுஞ் சாக்காடு உறங்கி

விழிப்பது போலும் பிறப்பு.           குறள் # 339

தூங்குவது போன்றது இறப்பு, தூங்கி

விழிப்பது போன்றது பிறப்பு.        பாமரன் பொருள்

புக்கில் அமைந்தின்று கொல்லோ உடம்பினுள்

துச்சில் இருந்த உயிர்க்கு.      குறள் # 340

தங்கஒரு நிலையானவீடு அமையவில்லையோ, உடம்பிற்குள்

ஓர்மூலையில் தங்கியிருந்த உயிருக்கு.      பாமரன் பொருள்