கண்ணிற்கு நகை கண்ணோட்டம் எனும் பண்பே

பொருட்பால்     அரசியல்     கண்ணோட்டம்      குறள் 571  முதல்  580 வரை

கண்ணோட்டம் என்னும் கழிபெருங் காரிகை

உண்மையான் உண்டிவ் வுலகு      குறள் #  571

கண்ணோட்டம் என்னும் அழியாப் பேரழகு இருப்பதால்தான்

இவ்வுலகம் அழியாமல் இருக்கிறது.      பாமரன் பொருள்

கண்ணோட்டத் துள்ளது உலகியல் அஃதிலார்

உண்மை நிலக்குப் பொறை.          குறள் # 572

கண்ணோட்டத்தால்தான் உலக வாழ்க்கை நடைபெறுகிறது அது இல்லாதவர் வாழ்வது இப்பூமிக்கு சுமை.      பாமரன் பொருள்

பண்என்னாம் பாடற்கு இயைபின்றேல் கண்என்னாம்

கண்ணோட்டம் இல்லாத கண்.   குறள் # 573

ராகம் பாடலுக்குப் பொருந்தவில்லை என்றால் பயனில்லை.

கண்ணோட்டம் இல்லையெனில் கண்ணால் என்ன பயன்  பாமரன் பொருள்

உளபோல் முகத்தெவன் செய்யும் அளவினால்

கண்ணோட்டம் இல்லாத கண்.     குறள் # 574

உள்ளதைப் போலதோன்றுவதைத் தவிர முகத்தில் வேறுபயன் இல்லை தக்க அளவில் கண்ணோட்டம் இல்லாத கண்.      பாமரன் பொருள்

கண்ணிற்கு அணிகலம் கண்ணோட்டம் அஃதின்றேல்

புண்ணென்று உணரப் படும்      குறள் # 575

கண்ணிற்கு அணியும் நகை கண்ணோட்டம் எனும் பண்பே அதுஇல்லையெனில்

வெறும் புண் என்றே சொல்வர்   .      பாமரன் பொருள்

மண்ணோ டியைந்த மரத்தனையர் கண்ணோ

டியைந்துகண் ணோடா தவர்   குறள் # 576

மண்ணோடிருந்தும் அசையா மரத்தைப் போன்றவர் கண்ணோடு பொருந்தி

இருந்தும்  கண்ணோட்டம் இல்லாதவர்.      பாமரன் பொருள்

கண்ணோட்டம் இல்லவர் கண்ணிலர் கண்ணுடையார்

கண்ணோட்டம் இன்மையும் இல்     குறள் # 577

கண்ணோட்டம் இல்லாதவர் கண்ணில்லாதவரே கண்ணுடைய மக்கள்

கண்ணோட்டம் இல்லாமல் இருப்பதும் இல்லை. .      பாமரன் பொருள்

கருமம் சிதையாமல் கண்ணோட வல்லார்க்கு

உரிமை உடைத்திவ் வுலகு.   குறள் # 578

தம்வேலை கெடாது கண்ணொட்டம் உடையவராக இருக்க வல்லவருக்கு

இவ்வுலகம் உரிமை உள்ளது.   .      பாமரன் பொருள்

ஒறுத்தாற்றும் பண்பினார் கண்ணும் கண்ணோடிப்

பொறுத்தாற்றும் பண்பே தலை.  குறள் #  579

தண்டித்தற்குரிய தன்மை உடையவரிடத்திலும் கண்ணோட்டம் கொண்டு

பொறுத்துக் காக்கும் பண்பே சிறந்தது  .      பாமரன் பொருள்

பெயக்கண்டும் நஞ்சுண் டமைவர் நயத்தக்க

நாகரிகம் வேண்டு பவர்.   குறள் # 580

விஷத்தைத் தருகிறார் என தெரிந்தும் அதை உண்டு அவருடன் பழகுவர்

விரும்பத் தகுந்த நாகரிகத்தை விரும்புபவர்     பாமரன் பொருள்