ஒழுக்க நெறிபின்பற்றுபவர் நெடுங்காலம் வாழ்வர்.

மலர்மிசைஏகினான் மாணடி சேர்ந்தார்

நிலமிசை நீடுவாழ் வார்              குறள் 3

பக்தர் நெஞ்சில் வசிக்கும் இறவனடி வணங்குபவர்

உலகில் நீண்டகாலம் வாழ்வர் ====    பாமரன் பொருள்

இருள்சேர் இருவினையும் சேரா இறைவன்

பொருள்சேர் புகழ்புரிந்தார் மாட்டு             குறள் 5

அறியாமையும் பெருந்துன்பங்களும் வராது இறைவனின்

பொருளும் புகழும் புரிந்தவர்களுக்கு           பாமரன் பொருள்

பொறிவாயில் ஐந்தவித்தான் பொய்தீர் ஒழுக்க

நெறிநின்றார் நீடுவாழ் வார்                    குறள் 6

ஐம்புலன்களை அடக்கிய இறைவனின் உண்மையான ஒழுக்க

நெறிபின்பற்றுபவர் நெடுங்காலம் வாழ்வர்.            பாமரன் பொருள்

அறவாழி அந்தணன் தாள் சேர்ந்தார்க்கு அல்லால்

பிறவாழி நீந்தல் அரிது                      குறள்  8

அறக்கடவுளாம் இறைவனடி வணங்குபவர் அல்லாதவருக்கு

பாவக்கடலை நீந்துவது கடினம்                பாமரன் பொருள்

கோளில் பொறியில் குணம்இலவே எண்குணத்தான்

தாளை வணங்காத் தலை.                     குறள் 9

செயலில்லா ஐம்புலன்கள் பயனில்லாததுபோல் இறைவனின்

கால்களை வணங்காத் தலையும்               பாமரன் பொருள்