செய்யும் செயலால் மனிதரை உணர்க. (தோற்றத்தால் அல்ல)

    அறத்துப்பால். குறள் இயல்: துறவறவியல். அதிகாரம்: கூடாவொழுக்கம்.

                                          (குறள் 276 முதல் 280 வரை) 

நெஞ்சின் துறவார் துறந்தார்போல் வஞ்சித்து

வாழ்வாரின் வன்கணார் இல்.      குறள் 276

மனதால் பற்றுவிடாது துறந்ததுபோல ஏமாற்றி

வாழ்பவரைவிட இரக்கமற்றவர் இல்லை.      பாமரன் பொருள்

புறங்குன்றி கண்டனைய ரேனும் அகங்குன்றி

முக்கிற் கரியார் உடைத்து.      குறள் # 277.

வெளியே குன்றிமணி போல்நல்லவராய் காணப்பட்டாலும் மனம்சிறுத்து அதன்மூக்கு போல் கருத்திருப்பவரும் உண்டு.   பாமரன் பொருள்

மனத்தது மாசாக மாண்டார் நீராடி

மறைந்தொழுகு மாந்தர் பலர்.   குறள் # 278

மனதில்மாசு இருக்க மாண்புள்ளவர் குளித்துவருபவர்போல

போலியாக நடக்கும் வஞ்சனையாளர் பலர்.      பாமரன் பொருள்

கணைகொடிது யாழ்கோடு செவ்விதுஆங் கன்ன

வினைபடு பாலால் கொளல்.     குறள் # 279

நேரான அம்பு கொடியது, வளைந்த யாழ் இனியது அவ்வகையில்

செய்யும் செயலால் மனிதரை உணர்க. (தோற்றத்தால் அல்ல)பாமரன் பொருள்

மழித்தலும் நீட்டலும் வேண்டா உலகம்

பழித்தது ஒழித்து விடின்.    குறள் # 280.

மொட்டையடித்தலும் சடைவளர்த்தலும் வேண்டாமே, உலகம்

வெறுக்கும் தீச்செயல்களை விட்டுவிட்டால்.  பாமரன் பொருள்